नेवि संघ मोरङका सभापति पोखरेल कुटिए

विराटनगर । नेपाल विद्यार्थी संघ मोरङ सभापति कुटिएका छन् । बिहीबार विहान विराटनगर स्थित महेन्द्र मोरङ क्याम्पसमा पुगेका उनी त्यहाँका नेवि संघसँग आवद्ध विद्यार्थीसँग छलफलको क्रममा भनावैरी भइ उनी कुटिएको बताइएको छ ।

चैत ५ गते हुन गैरहेको आसन्न स्वतन्त्र विद्यार्थी युनियनको निर्वाचनको छलफलका लागि उनी त्यहाँ पुगेका थिए । उनको नोबेल शिक्षण अस्पतालमा उपचार भैरहको जनाइएको छ ।

यसबारे नेवि संघका केन्द्रीय सदस्य लुइपाश्चर घिमिरेले फेसबुकमा स्टाटसका साथ अस्पतालको शय्यामा सुतिरहेका तस्वीर पोष्ट गरी  सभापति पोखरेल कुटिएको पुष्टि गरेका छन् ।

स्टाटसमा घिमिरेले लेखेका छन्, ‘म यो आजको खबरले स्तब्ध भएँ यो किसिमको माहोल मोरङमा । सिग्र स्वस्थ लाभको कामना जिल्ला सभापति ज्यू । प्रजातान्त्रिक सङ्गठनका कार्यकर्तालाई जिम्मेवारी बोध गराउन नसक्ने नेतृत्व राजनीतिक विषयमा हातहतियार प्रयोग गरेर मरणासन्न हुने गरी आक्रमण गर्न बीपीले परिकल्पना गरेअनुरुप ने बि संघको विकास गरियो राम्रो भयो । अझै हामी मौन रहुँ । जिल्ला सभापतिलाई कुटपिट गर्न लगाऊ संगठनलाई आफ्नो इसारामा चलाउन हर कदम लागि पर्ने अराजकताको पद्धतिलाई हावी गराउने हरुलाई यो संगठनले प्रश्रय गर्ने हो भने बुझ्नुस् यो संगठन कस्तो बन्ला ।’