दुर्गा माविले मनायो ४२औं वार्षिकोत्सव

विराटनगर । रतुवामाई नगरपालिका–८ दाम्राभिट्टास्थित दुर्गा माध्यमिक विद्यालयले ४२औं बार्षिकोत्सव तथा अभिभावक दिवस झव्य कार्यक्रमका साथ मनाएको छ । बिहीबार आयोजित बार्षिकोत्सव कार्यत्रममा विद्यालयले आयोजना गरेको खेलकुद प्रतियोगिताका विजेताहरुलाई पुरस्कार वितरण गरिएको हो ।

विद्यालयले बार्षिकोत्सवका अवसरमा आयोजना गरेको भलिवल, कबड्डी, हिसाव दौड, हाजिरीजवाफ, भाले जुदाई र बौद्धिक जाँच जस्ता खेलकुद गतिविधि गराएको थियो । प्रतियोगितामा विजयी हुने विद्यालयका विद्यार्थीहरुलाई पुरस्कार र प्रमाणपत्र प्रदान गरिएको थियो ।

सोही अवसरमा विद्यालयकी शिक्षिका शोभा घिमिरेलाई अनवरत ३० बर्ष सेवा गरेको अवसरमा विद्यालय परिवारले विदाई गरेको थियो । 

कोशी प्रदेशका पर्यटन, वन तथा वातावरणमन्त्री गणेश उप्रेतिले सामाजिक विद्यालयहरुको गुणस्तरलाई सवै मिलेर माथि उठाउनु पर्ने बताए । गत शैक्षिक सत्रदेखि अंग्रेजी माध्यमबाट समेत अध्ययन अध्यापन सुरु गरेको दुर्गा माविको भौतिक विकासमा आफूले सक्दो सहयोग गर्ने बताए ।

विद्यालय व्यवस्थापन समितिका अध्यक्ष तुलसीप्रसाद क्रिलालको अध्यक्षतामा आयोजित बार्षिकोत्सव कार्यत्रममा विद्यालयका प्रधानाध्यापक जीतबहादुर कटुवालले विद्यालयको गतिविधिबारे प्रकाश पारेका थिए भने कार्यक्रमको सञ्चालन शिक्षक नन्दाहाङ लिम्बूले गरेका थिए ।