पूविको ताला खुल्यो

विराटनगर । पूर्वाञ्चल विश्वविद्यालय उपकुलपति, रजिष्ट्रारको कार्यालय र सेवा आयोगमा लगाइएको ताला खुलाइएको छ । नेपाल विद्यार्थी संघले विभिन्न पाँच बुँदे माग राखी सो ताला लगाएको थियो ।

नेपाल विद्यार्थी संघले माघ १४ गते एक विज्ञप्ति जारी गरी पाँच बुँदे माग राखेको थियो । 

भोलिपल्टै उपकुलपति, रजिष्ट्रार र सेवा आयोगमा ताला लगाएको थियो ।

बिहीबार  विश्वविद्यालय र विद्यार्थी संघका बीच द्वितीय पक्षीय छलफल (वार्ता) भई ४ बुँदे सहमति गरिएपछि ताला खुलाइएको हो ।

वार्ता समितिमा विश्वविद्यालय पक्षबाट संयोजक प्राडा अनिलकुमार पोखरेल, सदस्य प्राडा जीवनकुमार ढकाल, सदस्य सचिवमा नारायणप्रसाद दाहाल र विद्यार्थी तर्फबाट नेपाल विद्यार्थी संघ मोरङका अध्यक्ष सरोज पोखरेल, सहसचिव सुमन राउत, जिल्ला सदस्य शुभम् देव, कलेज अफ लका एकाई सभापति प्रभाष झा वार्ता टोलीमा सहभागी थिए ।