शिक्षा सदनमा स्कुल पोशाक वितरण

विराटनगर । विराटनगर–६ स्थित शिक्षा सदन माध्यमिक विद्यालयमा अध्ययनरत विद्यार्थीलाई पोशाक वितरण गरिएको छ । 

नेपाल मुस्लिम संघका केन्द्रीय सचिव मोहम्म अफजल हुसेन ‘गुल्जार’ ले सो विद्यालयको बालकक्षामा अध्ययनरत २० जना विद्यार्थीलाई स्कुलको पोशाक वितरण गरेका हुन् ।

सचिव गुल्जारले छात्रलाई सर्टपाइन्ट र छात्राहरुलाई सर्टस्कर्ट उपलब्ध गराएका हुन् ।

विद्यालयका प्रधानाध्यापक रेवन्त बरालले पूर्व विद्यार्थी गुल्जारले स्कुललाई आवश्यकता अनुसारको शैक्षिक तथा विद्युतीय सामग्रीहरु समेत बेलाबेलामा उपलब्ध गराउँदै आएको बताए । 

हाल सो विद्यालयमा बाल कक्षादेखि कक्षा १० सम्म २ सय ७० विद्यार्थी अध्ययनरत रहेको शिक्षिका अनुराधा रायले जानकारी दिइन् ।