इण्डो–नेपाल रोलर स्केटिङ

विराटनगर । मोरङ डिष्ट्रिक स्केटिङ एण्ड स्केट बोर्डिङ एसोसिएसन नेपालको आयोजनामा विराटनगरमा १० औं इण्डो–नेपाल रोलर स्केटिङ च्याम्पियनशीप सम्पन्न भएको छ । 

विराटनगरस्थित दिल्ली पब्लिक स्कुलको खेल मैदानमा इण्डो नेपाल विद्यालयस्तरीय प्रतियोगितामा भारतको हिमाञ्चल प्रदेश, महाराष्ट्र, दिल्ली, गुजरात र राजस्थानका विभिन्न विद्यालयबाट आएका विद्यार्थीहरूले सहभागिता जनाएका छन् । 

नेपालतर्फबाट भने दिल्ली पब्लिक स्कुल, हेरिटेज स्कुल, किड्जी, पिटर प्यान्स र बिनायक बोर्डिङ स्कुलका विद्यार्थीले सहभागिता जनाएको आयोजक समितिले जनाएको छ । 

प्रतियोगितामा ४ वर्षदेखि १४ वर्ष उमेर समुहका छात्रछात्राबीच प्रतिस्पर्धा गराइएको आयोजक एसोसिएसनका अध्यक्ष सुरज कामतले जानकारी दिए । उमेर समुहअनुसार छात्र तथा छात्राको बेग्लाबेग्लै प्रतिस्पर्धा गराइएको उनले बताए । 

बिजयी खेलाडीलाई मेडल, ट्रफी र प्रमाणपत्र प्रदान गरिएको छ । प्रतियोगितामा नेपालतर्फका ५६ र भारतबाट २२ खेलाडी तथा ५ जना अफिसियलले सहभागिता जनाएका थिए ।