एनसेल एपमा अब पुलिस रिपोर्टको सुविधा

विराटनगर । एनसेलले आफ्नो एनसेल एपमा ग्राहकहरूको आवश्यकालाई ध्यानमा राखी अर्को नयाँ सुविधा थपेको छ ।

ग्राहकहरूले अब यो एप मार्फत प्रहरी चारित्रिक प्रमाण पत्र अर्थात पुलिस रिपोर्ट लिनका लागि सजिलैसँग आवेदन दिन सक्छन् । यो सुविधाले अब एक महत्वपूर्ण सार्वजनिक सेवा सहजै एपबाट पनि लिन सकिने भएको छ ।

साउन २९ गतेबाट लागु हुने गरी एनसेलले नेपाल प्रहरीको वेबसाइटलाई आफ्नो नेटवर्कमा बिना कुनै डेटा शुल्क चल्ने गरी निःशुल्क बनाएको थियो ।

यसले प्रहरीमा उजुरी, पुलिस रिपोर्टका लागि अनलाइन आवेदन लगायतका सेवाहरू लिनका लागि यो वेबसाइट चलाउँदा इन्टरनेटको पैसा नलाग्ने भएको छ ।