महिलालाई बेकरी बनाउने तालिम

सुन्दरहरैंचा । सुन्दरहरैंचा नगरपालिकाको आर्थिक सहयोगमा परोपकार महिला समूहले आयोजना गरेको १५ दिने बेकरी तालिम बिहीबारदेखि सुरू भएको छ । 

सुन्दरहरैंचा वडा नं. १२ स्थित गोल्डेन क्राउनमा सुरु भएको तालिममा २४ जना महिलाहरूको सहभागिता रहेको छ ।

सुन्दरहरैंचाकी उपप्रमुख अकली चौधरीले तालिमको उद्घाटन गरेको थिइन् । 

महिलाहरूलाई व्यावहारिक सीप प्रदान गरी स्वरोजगारतर्फ उन्मुख गराउने उद्देश्यले यस्तो तालिम आयोजना गरिएको  परोपकार महिला समूह सुन्दरहरैंचाकी अध्यक्ष निरु बजगाईले जानकारी दिइन् ।