मुक्तक सङ्ग्रह आयराको विमोचन

विराटनगर । साहित्यकार जयन्त प्रधानाङ्गको मुक्तक सङ्ग्रह ‘आयरा’ को विराटनगरमा विमोचन भएको छ । प्राज्ञ तथा कवि विवश पोखरेल, साहित्यकार भुषण ढुंगेल, दिनेश श्रेष्ठ, पर्यटन व्यवसायी झविष कुमार श्रेष्ठ लगायतले एक समारोहका बीच मुक्तक सङ्ग्रह आयराको विमोचन गरेका हुन् ।

मुत्तक सङ्ग्रहमा विभिन्न विषयका तीन सय वटा मुक्तक सङ्ग्रह गरिएका छन् । प्रधानाङ्गका मुक्तकहरूमा हाम्रा आफ्नै यथार्थ भोगाइहरू पाइने कवि विवश पोखरेलले बताए । सुखदुःखका उकाली ओरालीसँगै समयका विविध दृष्य परिदृष्य मुक्तक सङ्ग्रहमा बिम्बित भएको पोखरेलको भनाइ छ । 

साहित्यकार प्रधानाङ्गका मुक्तकमा प्रेम छ र माटो प्रतिको असीम अनुराग छ । कतै सुवासित फूल त कतै च्वास्स घोच्ने काँडा छन् मुक्तक सङ्ग्रहमा टिप्पणी गर्दै पोखरेलले भने ।