बेलबारीमा विद्युतीय नगर बस

सुन्दरहरैंचा । बेलबारी नगरपालिकाले अनुमानित १ करोड ३३ लाखमा नयाँ विद्युतीय नगर बस खरिद गरेको छ । नगर बस बेलबारी नगरपालिकामा ल्याइएको छ ।

बेलबारी नगरपालिकाका प्रमुख दिलप्रसाद राईले निर्वाचित हुँदै गर्दा बेलबारीमा नगरबस सञ्चालन गर्ने पहिलो निर्णयमा हस्ताक्षर गरेका थिए । 

निर्वाचित भएको झण्डै तीन वर्ष पुग्दा बेलबारीमा उनले आफ्नो पहिलो निर्णयलाई साकार रूप दिएका हुन् ।

सुरूमा बेलबारीमा एक थान नगर बस ल्याइएको छ । नगर बस बेलबारी–११ लक्ष्मीमार्गबाट रंगेलीसम्म र बेलबारी बजारदेखि भाउन्ने हुँदै बाहुनीसम्म सञ्चालन हुने नगर प्रमुख राईले जानकारी दिए । 

उनका अनुसार केही दिनमै नगर बसको रूट समेत तयार गरी सञ्चालन गर्ने तयारी भइरहेको छ ।