केई एक्स–३ प्रो अब ९९ किलोवाटमा

विराटनगर । केई मोटर्सको नेपालका लागि आधिकारिक वितरक लक्ष्मी ई–मोबिलिटीले ९९ किलोवाट मोटर पावरमा केई एक्स–३ प्रो ईभी नेपालमा उपलब्ध गराएको छ । 

अझै बढी पर्फमेन्स र दक्षतायुक्त एक्स–३ प्रो को सुरूवाती मूल्य ४३ लाख ९६ हजार रूपैया तोकिएको  कम्पनीले जनाएको छ । सो अफर केही अवधिको लागि मात्र लागु हुने जनाइएको छ ।

कम्प्याक्ट एसयूभी सेगमेन्टमा यो सबैभन्दा अफोर्डेबल एसयूभी हुनेछ । एक्स–३ प्रो एक इलेक्ट्रिक सवारी साधन मात्र नभएर अत्याधुनिक प्रविधि, स्लिक डिजाइन र अतुलनीय पर्फमेन्सको संगमसमेत रहेको कम्पनीको दाबी छ । 

यसमा ५३.६ किलोवाट आवर क्षमतायुक्त सीएटीएल (क्याटल) को लिथियमआइरन फस्फेट ब्याट्री छ, जसले २६०एनएम सम्मको उच्चतम टर्क प्रदान गर्छ । यसले सिंगल चार्जमा ३७० किलोमिटरसम्मको रेन्ज दिन्छ । 

यसको ब्याट्रीलाई फुलचार्ज गर्न ५ देखि ७ घण्टा लाग्छ । यसलाई घरैमा ७ किलोवाटको एसी चार्जर प्रयोग गरी ८ घण्टामा चार्ज गर्न सकिन्छ । 

त्यसैगरी डीसी फास्ट चार्जिङको सहयोगबाट ३० देखि ८० प्रतिशत सम्म चार्ज गर्न सकिन्छ ।  

एक्स–३ प्रो ईभीको लम्बाई ४४४३एमएम, चौडाई १८३१ एमएम र उचाई १६४६ एमएम छ भने यसको ह्विलबेस २६३२ एमएम छ । यी सबैका कारण पाँच सिट क्षमताको यो गाडीमा पर्याप्त इन्टेरियर स्पेस छ । 

केई एक्स–३ प्रोको फ्रन्टमा म्याकफर्सन इन्डिपेन्डेन्ट सस्पेन्सन र रियरमा मल्टी–लिंक इन्डिपेन्डेन्ट सस्पेन्सन छ । यसको ग्राउन्ड क्लियरेन्स १८३ एमएम छ । 

विभिन्न पाँच कलर अप्सनमा केई एक्स–३ प्रो ईभी उपलब्ध हुने जनाएको छ ।