५० परिवारलाई कम्बल वितरण

विराटनगर । विराटनगर–१८ का ५० घर विपन्न परिवारलाई शनिबार कम्बल वितरण गरिएको छ । युवा जागरण संघ नेपालको आयोजनामा कम्बल वितरण गरेको सो संस्थाका अध्यक्ष भोला यादवले बताए । 

उनीहरूलाई डा कृष्णानन्द ठाकुर, नेकपा एमालेका नेता सागर थापा, संघका अध्यक्ष यादव लगायतले संयुक्त रूपमा कम्बल हस्तान्तरण गरेका हुन् । 

कम्बल हस्तान्तरण गर्दै एमाले नेता थापाले विराटनगर–१८ को विकासमा महानगरपालिकाले ध्यान नदिएको बताए । उनले विराटनगरको दक्षिणी क्षेत्रको विकास नगरेसम्म विराटनगरको विकास अनुभूति नहुने बताए ।

महानगरपालिकाले ठोस योजनासहित विकासको खाका कोर्न नसकेको बताए ।