कांग्रेस कोशीका प्रमुख सचेतक तामाङलाई मातृशोक

विराटनगर । नेपाली कांग्रेस कोशी प्रदेश संसदीय दलका प्रमुख सचेतक गोपाल तामाङलाई मातृशोक परेको छ ।

प्रमुख सचेतक तामाङकी ८८ वर्षीया आमा कान्छीमाया तामाङको मंगलबार झापा कांकडभिट्टास्थित निवासमा निधन भएको हो । 

लामो समयदेखि अस्वस्थ तामाङका दुई छोरामध्ये जेठाको यसअघि नै निधन भइसकेको छ ।

कान्छा छोरा गोपाल झापा क्षेत्र नं १ को १ बाट प्रदेशसभामा निर्वाचित सांसद हुन् । उनका ६ नातिनातिना र चार जना पनातिपनातिनना छन् ।

तामाङको मंगलबार दिउँसो बौद्व परम्परा अनुसार अन्त्येष्टि गरिएको छ ।