सीएको परीक्षामा मेरिल्याण्ड एकेडेमीको उत्कृष्ट नतिजा

विराटनगर । नेपाल चार्टर्ड एकाउन्टेन्टस् संस्थाले गत मंसिर (डिसेम्वर २०२४)  मा लिएको सबै तहको परीक्षाको परीक्षाफलमा मेरिल्याण्ड करियर एकेडेमी विराटनगरले उत्कृष्ट नतिजा ल्याएको छ ।

शुक्रबार  प्रकाशित  परीक्षाफलमा विराटनगर-२ स्थित एकेडेमीमा अध्यनरत विद्यार्थीहरुले उत्कृष्ट नतिजा ल्याउन सफल भएका हुन् ।

सीएको पहिलो तह (क्याप वान) तर्फ ६ जना विशिष्ठ श्रेणीसहित ७१ प्रतिशत विद्यार्थी उत्तीर्ण भएका छन्  ।

दोस्रो तह (क्याप टु) मा १४  विद्यार्थीले दुबै समूह उत्तीर्ण  गरि फाइनल  तह अध्ययन गर्न योग्य भएका छन् ।

 यसैगरी १३ जना विद्यार्थीले दोस्रो तहको दुई समूह मध्ये एउटा समूह उत्तीर्ण गर्न सफल भएका छन् । 

त्यसैगरी क्याप थ्री तहमा अंकित रायले उत्तीर्ण गरी सीए उपाधि हासिल गरेका छन् । हालसम्म सो संस्थाबाट सीए कोर्ष अध्ययन गरेर १२ जना विद्यार्थीहरुले सीएको उपाधि हासिल गरिसकेको संस्थाका अध्यक्ष डा. मोहनकुमार सुवेदीले बताए ।

आइतबार उत्तीर्ण  विद्यार्थीहरुलाई संस्थाले एक कार्यक्रम गरी सम्मानित गरेको छ । सो कार्यक्रममा प्राडा प्रमोदकुमार झा, प्राडा  जीवनकुमार ढकाल, सीए मनोज अधिकारी र सीए युवराज उप्रेतीले विद्यार्थीहरुलाई शुभकामना तथा हौसला दिएका थिए ।

कोशी प्रदेशमा सीए अध्यापन गराउने सो संस्थाले छोटो समयमानै सीए कोर्षको पठनपाठनलाई राम्रो उचाइमा लैजान सफल भएको र अव वास्तवमा नै सीए अध्ययनको लागि काठमाडाैं अथवा भारत जानुपर्ने बाध्यताको पूर्णरुपमा अन्त्य भएको   एकेडेमीका  निर्देशक भेषराज पोखरेल ले बताए ।

एकेडेमीका निर्देशक सीए किञ्जल पोखरेलका अनुसार हाल संस्थामा नियमित रुपमा १० जना चार्टर्ड एकाउन्टेन्टहरूसहित अन्य विषयगत दक्ष शिक्षकहरुबाट अध्यापन हुने गरेको छ । 

हाल मेरिल्याण्ड करियर एकेडेमीमा क्याप वानतर्फ ७५ जना, क्याप टु तर्फ ४५ जना र फाइनल लेवल क्याप थ्रीमा ३५ जना विद्यार्थी अध्ययनरत छन् ।