चेतना प्रतिष्ठानले गर्यो वक्तृत्वकला

विराटनगर । चेतना संरक्षण प्रतिष्ठान विराटनगरको आयोजनामा भएको अन्तर सामुदायिक विद्यालय वक्तृत्वकला प्रतियोगितामा आदर्श उच्च माविकी छात्रा रञ्जना कोइराला प्रथम भएकी छन् । 

विराटनगर महानगरपालिका वडा नम्बर ११ को आर्थिक सहयोगमा आयोजित प्रतियोगितामा ११ सामुदायिक विद्यालयका प्रतिस्पर्धीलाई पछि पार्दैै रञ्जना प्रथम भएकी हुन् ।

‘युवा शक्ति विदेश पलायनले समाजमा पारेको असर’ शीर्षकमा आयोजित प्रतिस्पर्धामा पोखरिया माविकी छात्रा सिमरन सफल मैनाली द्वितीय भइन् । त्यस्तै सत्यनारायण माविकी छात्रा उमा न्यौपाने तृतीय भइन् ।

मिल्स माविका रोहित बैठाले सान्त्वना पुरस्कार पाएका छन् । साहित्यकार हरि कट्टेल र स्वीकृति रेग्मी मुनाको निर्णायक समितिले विजेताहरूको नाम घोषणा गरेको थियो । 

विजेता विद्यार्थीलाई क्रमशः  ३ हजार ५ सय, २ हजार ५ सय, १ हजार ५ सय र ७ सय रुपैया“सहित प्रमाणपत्र प्रदान गरिएको थियो । 

उनीहरूलाई विराटनगर महानगर वडा नम्बर ११ का अध्यक्ष तीर्थेन्द्र नेउपाने, आयोजक संस्थाकी अध्यक्ष गंगा सुवेदी, अग्रज साहित्यकार बलराम पोखरेल, डा. नरेन्द्र चापागाईं स्मृति प्रतिष्ठानकी अध्यक्ष सरला चापागाईँ लगायतले प्रमाणपत्र र नगद पुरस्कार प्रदान गरेका थिए । 

प्रतिष्ठानले पहिलोपटक विद्यालयस्तरीय वक्तृत्वकला प्रतियोगिता आयोजना गरेकाले ११ वटा विद्यालयलाई मात्रै सहभागिता गराएको कार्यक्रम संयोजक निर्मला कोइरालाले जानकारी दिइन् ।

प्रतिष्ठानकी अध्यक्ष गंगा सुवेदीले प्रतिष्ठानले मासिक कार्यक्रमअन्तर्गत कविता वाचन, पुस्तक विमोचन, पुस्तक समीक्षासहित अतिरिक्त कार्यक्रम पनि गर्दै आएको जानकारी दिइन् । 

कवि एवं पत्रकार मीनकुमार नवोदितले पाठ्यक्रमको ज्ञानसँगै बाहिरी ज्ञान पनि विद्यार्थीमा हुनु जरुरी रहेको औंल्याए ।