दुर्घटनामा सह–चालकको मृत्यु

विराटनगर । सुनसरीको दुहबी–८ स्थित कोशी लोकमार्गमा ट्रयाक्टर अनियन्त्रित भई दुर्घटना हुदा सह–चालकको मृत्यु भएको छ ।

मृत्यु हुनेमा सुनसरी रामधुनी नगरपालिका–१ का ५० वर्षीय  बुधन चौधरी छन् । 

शनिबार अपरान्ह को २ त ५९८१ नम्बरको  इँट्टा बोकेको ट्रयाक्टर अनियन्त्रित भई टेङ्ग्रा खोलामा दुर्घटना हुँदा सह–चालक चौधरी घाइते भएका थिए । 

उनको सिटी अस्पताल दुहबीमा उपचारका क्रममा मृत्यु भएको  प्रहरीले जनाएको छ । 

ट्रयाक्टर चालक रामधुनी–१ का २३ वर्षीय सुरज चौधरीलाई इलाका प्रहरी कार्यालय दुहबीले नियन्त्रणमा लिई घटना अनुसन्धान गरिरहेको बताइएको छ ।