जनता माविले मनायो ५८ औं वार्षिकोत्सव

सुन्दरहरैंचा । मोरङको सुन्दरहरैंचा नगरपालिका–१ पचामस्थित जनता माध्यमिक विद्यालयको ५८ औं वार्षिकोत्सब तथा अभिभावक दिवस कार्यक्रम आइतबार सम्पन्न भएको छ ।

वार्षिकोत्सवको उद्घाटन गर्दै नगर प्रमुख केदारप्रसाद गुरागाईँले सामुदायिक विद्यालयले गुणस्तरीय शिक्षालाई जोड दिन आवश्यक रहेको उल्लेख गर्दै विद्यालयको सम्पत्ति सदुपयोग गर्न जरूरी रहेको बताए ।

कार्यक्रममा विद्यालयका प्रधानाध्यापक मकुन्दप्रसाद न्यौपानेले विद्यालयको गतिविधि माथि प्रकाश पारेका थिए । सो अवसरमा भवानीप्रसाद रिजाल स्मृति छात्रवृत्तिकोष, शिक्षक कर्मचारी सम्मान तथा मनोरञ्जनात्मक नृत्य र सांस्कृतिक कार्यक्रम भएको थियो । 

यस्तै विभिन्न दाताहरूले स्थापना गरेको अक्षयकोषको व्याजबाट विद्यार्थीहरूलाई छात्रवृत्ति वितरण तथा अतिरिक्त क्रियाकलापको पुरस्कार प्रदान गरिएको विद्यालयका शिक्षक सुरेन्द्र काफ्लेले जानकारी दिए । 

विसं २०२३ सालमा स्थापना भएको सो विद्यालयमा हाल करिव १ हजार विद्यार्थी अध्ययनरत छन् ।