Biratnagar, Morang, Nepal
२१ चैत २०८१, बिहिवार
+977 21 450305, 515728, 578305
समाज

राधाकृष्ण मन्दिर अध्यक्षमा कैलाश रेग्मी

उद्‌घोष सम्वाददाता
२८ माघ २०८१, सोमवार

विराटनगर । विराटनगर–१ स्थित राधाकृष्ण मन्दिर व्यवस्थापन समितिको अध्यक्षमा अधिवक्ता कैलाश रेग्मी भएका छन् ।

सोमबार मन्दिर व्यवस्थापन समितिकी संयोजक अञ्जु कार्कीको अध्यक्षतामा बसेको बैठकले अधिवक्ता रेग्मीलाई तीन वर्षका लागि अध्यक्षको जिम्मेवारी दिएको हो । 

विराटनगरमा भव्य रुपमा सम्पन्न हुने राधाकृष्ण रथयात्रा राधाकृष्ण मन्दिर व्यवस्थापन समितिको अगुवाईमा सञ्चालन हुँदै आएको छ । 

यस वर्षको भदौ ११ गते विराटनगरमा सम्पन्न राधाकृष्ण रथयात्रा समेत रेग्मीकै अध्यक्षतामा गठित ५०१ सदस्यीय मुल समारोह समितिद्वारा सम्पन्न भएको थियो ।

रेग्मीमा त्रिवि जनता कानुन क्याम्पस विराटनगरको स्ववियुमा सभापति, पतञ्जली योग समिति मोरङका अध्यक्ष भएर काम गरेको  पनिअनुभव छ ।

११ सदस्यीय समितिको  उपाध्यक्ष, सचिव, सहसचिव, कोषाध्यक्षमा क्रमशः नन्दकिशोर राठी, कृष्णबहादुर कार्की, नविनिता रिजाल र नरेश राठी छन् । 
सदस्यहरुमा अन्जना थापा, सुनिल पौडेल, राजन न्यौपाने, सुजित चेल, सन्तोष महत (सेन्ट्रो) र सञ्जय अग्रवाल छन् ।
 

View : 746

Copyright © 2023 -2025. Udghosh Daily. All Rights Reserved