मानगढ खानेपानी निर्वाचन : ५ बजेसम्म मतदान, ५४ प्रतिशत मत खस्यो

विराटनगर । विराटनगर–३ स्थित मानगढ खानेपानी आयोजना संचालन गरिरहेको विराट खानेपानी उपभोक्ता संस्थाको नयाँ नेतृत्व चयनका मतदान जारी रहँदा ५४ प्रतिशत मत खसिसकेको छ । 

शनिबार विहान ७ः१५ बजे मतदान सुरु भएको थियो । अपरान्ह ३ बजे नै ५४ प्रतिशत मत खसेको जनाइएको छ ।

विराटनगर–१ पुष्पलाल चोकस्थित जनता क्याम्पसको हाताभित्र १२ वटा वडागत बुथमा मतदान जारी छ । 

निर्वाचनमा ५ हजार ९८८ उपभोक्ता मतदाता रहेका छन् ।

साँझ ५ बजेसम्म हुने मतदानमा अध्यक्ष पदका लागि लालमणि भट्टराई, राम बहादुर घिमिरे र दुर्गा चापागाईँ प्यानलै मैदानमा उत्रिएका छन् ।