विष्णु काफ्लेको ‘अक्षितारा’ आउँदै

विराटनगर । इलामका विष्णुप्रसाद काफ्लेले ‘अक्षितारा’ कविता संग्रह पाठकसामु ल्याउने भएका छन् । उनको आफ्नो पहिलो कृतिका रूपमा शुक्रबार इलाममा कविता संग्रहको लोकार्पण गर्न लागेका हुन् । 

काफ्ले सामाजिक क्षेक्रका त्रियाशील व्यक्तित्व हुन् । एक गैरसरकारी संस्थामा जागिरको सिलसिलामा उनी विराटनगरमा बस्छन् । फुर्सदको समयमा साहित्यप्रति रूची व्यक्त गर्ने उनका केही कविता र रचनाहरू भने विभिन्न पत्रपत्रिकामा प्रकाशित भइसकेका छन् ।

इलाम नगर साहित्य, कला, संगीत प्रतिष्ठानको ब्यानरमा अरनिको सांस्कृतिक संग्रहालयमा आफ्नो पहिलो कृति लोकार्पण गर्न लागेको काफ्लेले बताए । 

उक्त कविता संग्रहको समीक्षा गरेका साहित्यकार प्रकाश थाम्सुहाङले कविताहरू स्पष्ट, द्विविधाविहीन, बलशाली विचार र सौन्दर्य चेतयुक्त भएको उल्लेख गरेका छन् । काफ्लेका कविता संग्रहमा ५८ वटा कविता समेटिएका छन् ।