इन्द्रपुर सहकारीको साधारणसभा

सुन्दरहरैंचा : मोरङको सुन्दरहरैंचास्थित इन्द्रपुर बहुउद्देश्यीय सहकारी संस्थाको २३ औं वार्षिक साधारणसभा सम्पन्न भएको छ ।

कार्यक्रममा संस्थाका अध्यक्ष रामप्रसाद गजुरेलले वार्षिक प्रगति प्रतिवेदन  प्रस्तुत गरेका थिए । इन्द्रपुर सहकारीमा महिला ८९६ र पुरूष ७८३ गरी १६७९ शेयर सदस्य तथा शेयर पुँजी ४ करोड ५ लाख ११ हजार ६ सय रहेको उल्लेख गरिएको छ । 

साधारणसभामा असल ऋणी र असल बचतकर्ताहरूलाई पुरस्कार वितरणका  साथै  जेष्ठ सदस्यहरूलाई सम्मान तथा कर्मचारीलाई नगद सहित पुरस्कार वितरण गरिएको थियो ।  साधारणसभाको नगर प्रमुख  केदारप्रसाद गुरागाई, संस्थाका सल्लाहकार संयोजक चुडामणि तिम्सिनालगायतले सफलताको शुभकामना दिएका थिए ।