Biratnagar, Morang, Nepal
२१ चैत २०८१, बिहिवार
+977 21 450305, 515728, 578305
समाज

एकै डोरीमा झुण्डिएको अवस्थामा फेला परे युवायुवती

उद्‌घोष सम्वाददाता
२० फागुन २०८१, मङ्गलवार

विराटनगर । मोरङको  पथरीशनिश्चरे नगरपालिकास्थित बक्राहा खोला किनारमा रहेको एउटा रुखमा एउटै डोरीमा झुण्डिएको अवस्थामा युवा र युवती मृत भेटिएका छन् ।

जिल्ला प्रहरी कार्यालय मोरङका प्रवक्ता वेद जोशीले दिएको जानकारी अनुसार २४ वर्षीय अजय टुडू र २० वर्षीया जुबामुनि हस्दा एकै डोरीमा झुण्डिएको अवस्थामा फेला परेका हुन् ।

अजय पथरीशनिश्चरे–५ का बासिन्दा हुन् भने जुबामुनि हस्दा  झापाको गौरीगञ्ज गाउँपालिका–२ की हुन् ।

उनीहरुमध्ये जुबामुनि विवाहित रहेको प्रहरीको भनाइ छ ।

‘उनीहरु दुई जना प्रेम सम्बन्धमा रहेको हुनसक्ने हाम्रो प्रारम्भिक अनुमान छ’, डीएसपी जोशीले भने ‘युवती विवाहित र युवक अविवाहित भन्ने सूचना छ ।’ 

उनीहरुलाई पथरीशनिश्चरे–५ को मौलीबारी नजिकै बक्राहा खोला किनारको पिठारीको रुखमा झुण्डिएको अवस्थामा स्थानीयवासीले फेला पारेका थिए ।

View : 306

Copyright © 2023 -2025. Udghosh Daily. All Rights Reserved