कश्यप गोत्रीय अधिकारी कोशीमा नयाँ नेतृत्व

इटहरी । कश्यप गोत्रीय अधिकारी वंश प्रतिष्ठान कोशी प्रदेशको प्रथम अधिवेसनले शान्तिबहादुर अधिकारीको अध्यक्षतामा २१ सदस्यीय नयाँ समिति चयन गरेको छ ।

शनिवार इटहरीमा सम्पन्न अधिवेशनबाट उपाध्यक्षमा विराटनगरका युवराज अधिकारी, महिला उपाध्यक्ष लक्ष्मी अधिकारी (झापा), सचिव लिलाराज अधिकारी (सुनसरी), कोषाध्यक्ष नेत्रप्रसाद अधिकारी (झापा) र सहसचिवमा दुर्गा अधिकारी (सुनसरी)  चयन भए ।

यसैगरी सदस्यहरुमा छविलाल अधिकारी ताप्लेजुङ , केशव अधिकारी पाँचथर, सोमनाथ अधिकारी इलाम, ध्रुव अधिकारी तेह्रथुम, इन्द्रप्रसाद अधिकारी उदयपुर, गुरु अधिकारी सोलुखुम्बु, कविराज अधिकारी ओखलढुंगा, फडिन्द्र अधिकारी खोटाङ, कृष्णबहादुर अधिकारी संखुवासभा र भोलानाथ अधिकारी मोरङ छन् ।

कोशी प्रदेशका १४ वटै जिल्लाबाट सहभागिता होस् भन्दै बाँकी रहेका जिल्लाहरूबाट पछि सदस्य थप गरी कार्यसमितिलाई पूर्णता दिने बंश  प्रतिष्ठानका केन्द्रीयय अध्यक्ष नरेन्द्रकुमार अधिकारीले बताए ।

अधिवेशनको उद्घाटन समारोहमा बोल्दै केन्द्रीय अध्यक्ष अधिकारीले मुलुकभरी छरिएका अधिकारीहरुलाई एउटै मालामा उन्ने उद्देश्यले केन्दीय कार्यालय झापाबाट चितवन सार्ने तयारीसमेत भएको बताए ।

उनले मुलुकभरका अधिकारीलाई समेटेर बृहत वंशावली समेत प्रकाशित भइसकेको जानकारी दिदैं आगामी दिनमा साझा उद्देश्यका साथ सबै अधिकारी एकजुट भएर लाग्नुपर्ने बताए ।

कार्यक्रममा  भारत मणिपुर राज्यका कश्यप गोत्रीय अधिकारी वंशका सचिब  प्रेमनाथ अधिकारीलाई सम्मानपत्र र दोसल्लाबाट सम्मान गरिएको थियो ।