सामुदायिक भवन र मन्दिर निर्माणका लागि रानीमा शिवपुराण, श्रृङ्गार आरती सम्पन्न

विराटनगर । विराटनगर–१६ विराट भजन समुहको आयोजनामा रानीस्थित जुद्ध म्याच फ्याक्ट्रीमा सञ्चालित सप्ताव्यापी शिवपुराण एवं महायज्ञको अवसरमा मंगलबार श्रृङ्गार आरती गरिएको छ । 

फाल्गुण ८ गतेबाट शुरु भएको पुराणमा सयौंको संख्यामा उपस्थित श्रद्धालु भक्तजनले उत्साहपुर्वक आरतीमा सहभागी भएका हुन् । 

पुराण प्रख्यात कथावाचक अन्तर्राष्ट्रिय अष्टादश महापुराण एवं कथा व्यास समितिका अध्यक्ष पण्डित कुवेर सुवेदीले कथावाचन गरिरहेका छन् । सहकथावाचकमा पण्डित अयोध्या निरौला रहेका छन् । 

पुराणबाट उठेको रकम रानीमा निर्माणधिन राधाकृष्ण मन्दिर र सामुदायिक भवनमा खर्च गरिने आयोजक संस्था विराट भजन समुहका सल्लाहकार राजेश सुब्बाले जानकारी दिए । 

पुराण आयोजक समितिले आर्थिक सहयोग गर्नेदाता तथा भक्तजनहरूलाई प्रमाणपत्र र सम्मान समेत गरेको आयोजक समितिका वरिष्ठ सल्लाहकार अमृत गुरुङले बताए । 

पुराण आज महाशिवरात्रीको दिन पारेर समापन हुुने संयोजक प्रह्लाद बस्नेतले जानकारी दिए ।