सुन्दहरैंचा । सुन्दरहरैंचा–७ गोठगाउँस्थित सुन्दरवाटिका एकेडेमीले विविध कार्यक्रम गरेको छ ।
पढाइमा उत्कृष्ट तथा वर्षभरी भएका प्रतियोगितामा विजयी हुने तथा विद्यालयबाहिर भएका विभिन्न प्रतियोगितामा सहभागी भएर सफल हुनेलाई एकेडेमीले सम्मान गरी पुरस्कार प्रदान गरेको छ ।
श्रीपञ्चमीको अवसरमा विद्यालयमा आयोजित कार्यक्रममा पुरस्कार वितरण गर्नुका साथै सोही दिन सिङ्गिङ आइडल तथा डान्सिङ आइडलको फाइनल प्रतिष्पर्धा गरी विजेता घोषणा गरिएको थियो ।
विद्यार्थीले आयोजना गरेको विज्ञान प्रदर्शनीको पनि अभिभावकले अवलोकन गरेका थिए ।
सुन्दरहरैंचा–७ का वडाध्यक्ष भुवनसिंह आलेमगरको प्रमुख आतिथ्यतामा भएको कार्यक्रममा विद्यालयका निर्देशक विनोद फुयालले विद्यार्थीको प्रतिभा प्रष्फुटन हुने खालका कार्यक्रम गर्न र विद्यार्थीलाई त्यस्ता कार्यक्रममा सहभागी हुन उत्प्रेरित गर्न विद्यालय सधैँ तयार रहने बताए । कार्यक्रममा विद्यार्थीले गीत, नृत्य तथा नाटक प्रस्तुत गरेका थिए ।
View : 201
Copyright © 2023 -2025. Udghosh Daily. All Rights Reserved