पत्रकार कर्णसहित ६ सम्मानित

विराटनगर । विराटनगरस्थित स्टार आवासीय माध्यमिक विद्यालयले आफ्नो ३१ औं वार्षिकोत्सवको अवसर पारेर समाजका विभिन्न क्षेत्रमा योगदान दिएका ६ जनालाई सम्मान गरेको छ ।

सम्मानित हुनेहरुमा उद्घोषकर्मी नवीन कर्णसहित विराटनगर–१३ वडाध्यक्ष सूर्यलाल यादव, विराटनगर–१४ का वडाध्यक्ष सूर्यनारायण महतो, गायक तथा संगीतकार रामा मण्डल, अभियन्ता किशोर शाही र जिल्ला शिक्षा समन्वय इकाइ मोरङका प्रमुख जीवन गड्तौला छन् । 

कोशी प्रदेश प्रमुख परशुराम खापुङले सबैजनालाई दोसल्ला  ओढाएर सम्मानपत्र प्रदान गरे ।

सो अवसरमा बोल्दै प्रदेश प्रमुख खापुङले विद्यालय तहदेखि नै नैतिक र रोजगारमुखी शिक्षा दिएर अगाडि बढनुपर्ने बताए ।