गोकुवाका ११५ विद्यार्थीलाई न्यानो कपडा वितरण

विराटनगर । मोरङको बूढीगंगा–३, गोकुवास्थित जनता आधारभूत विद्यालयका  ११५ विद्यार्थीलाई न्यानोकपडा (ट्र्याकसुट) वितरण गरिएको छ ।

बूढीगंगा गाउँपालिकाकी कार्यपालिका सदस्य सपना कोइराला (श्रीजला) को समन्वयमा ट्र्याकसुट वितरण गरिएको हो ।

बूढीगंगा गाउँपालिका अध्यक्ष जितनारायण थापा मगरले विद्यार्थीहरुलाई ट्य्राकसुट वितरण गरेका थिए ।

सो अवसरमा विद्यालयका प्रधानाध्यापक दिपेन्द्र दाहाल, बूढीगंगाका प्रमुख प्रशासकीय अधिकृत सञ्जीव न्यौपाने लगायतको उपस्थिति थियो ।

सो विद्यालयमा  पढ्ने अधिकांश विद्यार्थीहरु सीमान्तकृत ऋषिदेव समुदायका बालबालिकाका छन् ।