बह्रमाकुमारीले एक सयलाई सम्मान गर्ने

विराटनगर : ब्रह्माकुमारी राजयोग केन्द्र विराटनगरले समाजमा महत्वपूर्ण योगदान पुर्‍याउने एक सय जनालाई शनिबार सम्मान गर्ने भएको छ । बिहीबार केन्द्रले पक्रकार सम्मेलन गरी सामाजिक, धार्मिक, स्वास्थ्य, शिक्षा, साहित्य, महिला सशत्तिकरण, खेलकुद, प्रकृति कल्याण, जनावर संरक्षण, पत्रकारिता, गीत, संगीतलगायत क्षेत्रबाट सेवा पुर्‍याउनेलाई सम्मान गरिने जानकारी दिइएको हो । 
मूल्यनिष्ठ शिक्षाद्वारा समृद्ध समाजको पुनर्स्थापना गर्न प्रेरित गर्ने उद्देश्यले विराटनगर क्षेत्रका लगभग एक सय समाजसेवीहरुलाई सम्मान गर्न लागिएको राजयोग प्रशिक्षक तुलसी उप्रेतीले बताए । 
बह्माकुमारीको समाजसेवा विभागबाट गर्न लागिएको सो कार्यक्रममा भारतबाट आएका उत्प्रेरक ईबी गिरिश फ्रमुख वक्ता छन्  । शनिबार एक कार्यत्रमका बीच समाजसेवीलाई भव्य रुपमा सम्मान गरिने बह्माकुमारी राजयोग केन्द्र विराटनगरकी प्रमुख गीताले बताइन् । मानवको व्यक्तित्व विकास एवम् चरित्र निर्माणका लागि राजयोग ध्यानको माध्यमबाट सकारात्मक चिन्तन, जीवन जीउने कला, व्यसन र तनावमुक्ति दिलाउने उद्देश्यका साथ बह्माकुमारी राजयोग केन्द्रले यस्ता क्रियाकलापहरु गरी विश्वभरीका मानिसलाई परिवर्तन गरिरहेको आयोजक विनोद अग्रवालले दावी गरे ।