प्रनानि प्रधानलाई पुसको सर्वोत्कृष्ट प्रहरी घोषित

विराटनगर । कोशी प्रदेश प्रहरी कार्यालय विराटनगरले इलाका प्रहरी कार्यालय भेडेटार धनकुटामा कार्यरत प्रहरी नायव निरीक्षक रमेश प्रधानलाई २०८१ साल पुस महिनाको सर्वोत्कृष्ट प्रहरी घोषित गरेको छ । 

प्रहरी नायव निरीक्षक रमेश प्रधानले पुस २५ गते धनकुटाको साँगुरीगढी–९ चाँदीबजारमा हवाइ फायर गरी मोटरसाइकलमा सवार रहेका ६ जना गाँजा कारोबारीलाई पक्राउ गर्न सफल भएका थिए ।

चेकजाँचका क्रममा कारोबारीले प्रहरीलाई नै आक्रमणको प्रयास गरेको बताइएको छ ।

प्रहरी नायव निरीक्षक प्रधान नेतृत्वको टोलीले ६ जना कारोकारी सहित ५ वटा मोटरसाइकल र १२० किलोग्राम गाँजा पक्राउ गर्न सफल भएको थियो ।