प्रजातन्त्र दिवसमा बराल र कोइराला सम्मानित

विराटनगर / जेष्ठ नागरिक वडा कार्यसमिति योग ध्यान केन्द्र विराटनगर–११ ले प्रजातन्त्र दिवसको अवसरमा बुधबार ८० वर्ष उमेर काटेका दुई जेष्ठ नागरिकलाई सम्मान गरेको छ ।
सम्मानित हुनेहरुमा घनश्याम बराल र कवि तथा पत्रकार कृष्णराज कोइराला छन् ।

सम्मानितद्वयलाई  वडाध्यक्ष तीर्थेन्द्र न्यौपाने र केन्द्रका अध्यक्ष अर्जुन भट्टराईले  संयुक्त रुपमा सम्मानपत्र र दोसल्ला ओढाएर सम्मान गरेका थिए । सम्मानपश्चात वडाका ८० जना ज्येष्ठ नागरिकलाई सुन्दरहरैंचा–५ स्थित नयाँ वृन्दावन गौसला भ्रमण गराइएको थियो ।