जनस्वास्थ्य संघले विराटनगरमा स्थापना दिवस मनाउने

विराटनगर । नेपाल जनस्वास्थ्य संघले आफ्नो स्थापना दिवसको अवसरमा विराटनगरमा जनस्वास्थ्य दिवस मनाउने भएको छ । 

मंसिर २३ गते पर्ने स्थापना दिवसको सन्दर्भ पारेर देशभरिका सातै प्रदेशमा कार्यक्रम गर्न लागिएको संघका कोशी प्रदेश अध्यक्ष ब्रजेश मेहताले जानकारी दिए ।

कार्यक्रममा प्रदेश सरकार, स्वास्थ्य सम्बन्धित राष्ट्रिय तथा अन्तर्राष्ट्रिय संघसंस्थाका प्रतिनिधि लगायतसंग समुहगत छलफल र अन्तरक्रिया गरिने उनले बताए ।

संघका केन्द्रीय महासचिव कैलास श्रेष्ठले सरकारले उपचारात्मक स्वास्थ्य सेवालाई प्राथमिकतामा राख्ने गरे पनि स्वास्थ्यसँगै जोडिएका अन्य पाटोहरुमा पर्याप्त ध्यान नदिएको बताए ।