किशोरीहरुका लागि आत्मसुरक्षा तालिम

विराटनगर/ विराटनगर –४ बरगाछी स्थित गोग्राहा माध्यमिक विद्यालयमा किशोरीहरुका लागि आत्मसुरक्षा तालिम  सम्पन्न भएको छ  । बढ्दो हिंसा, दुव्र्यवहार र महिलाप्रति हुने अमानवीय गतिविधि न्यूनीकरणका निमित्त सो तालिम गरिएको हो ।

सामुदायिक प्रहरी साझेदारी कार्यक्रम अन्तर्गत जिल्ला प्रहरी कार्यालय मोरङस“गको समन्वयमा विराटनगर जेसिजको आयोजनामा गरिएको सो कार्यक्रममा तालिम प्रशिक्षण प्रहरी सहायक हवल्दार गोकुल श्रेष्ठ, प्रहरी जवान बेनिता मगर र  प्रहरी सहायक निरीक्षक तार्केश्वर स्वर्णकारले दिएका थिए ।

सो अवसरमा विराटनगर जेसिजका अध्यक्ष प्रितेशराज दाहाल, उपाध्यक्ष अनुज दाहाल, पूर्व अध्यक्ष शिवनारायण प्रधान, सदस्य निश्चल चौधरी लगायतको उपस्थिति थियो ।