प्रदेश लोकसेवाले मनायो वाषिर्कोत्सव

विराटनगर । कोशी प्रदेशका प्रदेश प्रमुख परशुराम खापुङले लोकसेवा आयोगलाई आप्mनो निष्पक्षता र विश्वसनियता कायम राखेर अघि बढ्न आग्रह गरेका छन् । 

प्रदेश लोकसेवा आयोगको पाँचौ वाषिर्कोत्सवको अवसरमा विराटनगरमा आयोजना गरिएको कार्यक्रमलाई सम्बोधन गर्दै प्रदेश प्रमुख खापुङले लोकतन्त्र र गणतन्त्रलाई बलियो बनाउन स्वच्छ प्रशासन आवश्यक रहेको र यसका लागि लोकसेवा आयोगको कार्य प्रशंसनिय रहेको बताए । 

उनले लोकसेवा आयोगले स्वच्छ र सबल प्रशासन बनाउन निष्पक्ष भूमिका निर्वाह गर्नुपर्ने सुझाव दिए ।

कोशी प्रदेशका मुख्यमन्त्री हिक्मतकुमार कार्कीले संघीय सरकारले आवश्यक कानुनहरू निर्माण नगरिदा प्रदेश सरकार चलाउन समस्या भइरहेको बताउँदै प्रदेश संरचनालाई जनताको आवश्यकताको रूपमा परिणत गर्न प्रयासरत रहेको धारणा व्यक्त गरे । 

सो कार्यक्रममा विगत वर्षरूमा प्रदेश लोकसेवा आयोगले गरेका कार्यप्रगतिहरू प्रस्तुत गरिएको थियो ।

प्रदेश लोकसेवा आयोगले भौतिक पूर्वाधार अभाव र न्यून कर्मचारीका बावजुद ४ हजार ४३ पदका लागि विज्ञापन गरेको र २ हजार १ सय २ जनालाई सिफारिश गरिएको प्रदेश लोकसेवा आयोगका सचिव तीर्थ धितालले जानकारी दिए । 

हालसम्म प्रदेश लोकसेवा आयोगका विभिन्न पदका लागि करिब ३ लाख ६० हजारले प्रतिस्पर्धा गरेको बताइएको छ ।  सो कार्यक्रममा कोशी प्रदेशका सभामुख अम्बरबहादुर विष्ट, मन्त्रीहरू, प्रदेश सांसदहरू, प्रमुख सचिव, सचिवहरू र सुरक्षा प्रमुखहरूको उपस्थिति थियो ।