ग्यास विक्रेता महासंघमा पुनः पोखरेल

विराटनगर । ग्यास बिक्रेता महासंघ कोशी प्रदेशको हालै सम्पन्न तेस्रो अधिवेशनबाट सरलराज पोखरेल पुनः प्रदेश अध्यक्षमा सर्वसम्मत चयन भएका छन् । 

संघको बरिष्ठ उपाध्यक्षमा डिल्ली ओडारी, उपाध्यक्षमा कल्पना गौतम,सचिवमा सुमन खरेल र कोषाध्यक्षमा रुपक तिम्सिना चयन भएका छन् । 

ग्यास विक्रेता महासंघ केन्द्रीय समितिका अध्यक्ष ज्ञानेश्वर अर्यालको प्रमुख आतिथ्यतामा भएको सो अधिवेशनमा कोशी प्रदेशका ताप्लेजुङ र ओखलढुंगा बाहेक १२ जिल्लाका ग्यास विक्रेता प्रतिनिधिको सहभागिता रहेको बताइएको छ ।