कान्तिपुरको बसबाट ३८७ थान कुर्ती बरामद

विराटनगर । विराटनगरस्थित कान्तिपुर स्कुलको बसबाट ३८७ थान कुर्ती बरामद भएको छ । 

इलाका प्रहरी कार्यालय रानीले बसबाट कुर्ती बरामद गरेको हो ।

प्रदेश १–०२–००२ख ००९ नम्बरको बसले जोगवनी रुटमा विद्यार्थी बोक्दै आएको थियो । 

बसबाट बरामद गरिएको कुर्ती भन्सार कार्यालयमा दाखिला गरिएको र बस नियन्त्रणमा लिएको जनाइएको छ । 

यसैबीच, उक्त बस आफ्नो नभएको कान्तिपुर कलेजले प्रष्टिकरण दिएको छ । आफ्नो कलेजको नामसँग मिल्दो अर्कै विद्यालयको बस भएको कलेजका एक संचालकले जानकारी दिएका हुन् ।