अधिकारी बने माघ महिनाको सर्वोत्कृष्ट प्रहरी

विराटनगर । जिल्ला प्रहरी कार्यालय मोरङमा कार्यरत प्रहरी हवल्दार गुणराज अधिकारी माघ महिनाको सर्वोत्कृष्ट प्रहरी घोषित भएका छन् ।

कोशी प्रदेश प्रहरी कार्यालय विराटनगरले अधिकारीलाई सर्वोत्कृष्ट प्रहरी घोषित गरेको हो । 
अधिकारीले माघ १८ मा विराटनगर–५ विशालचोक कलेरूवा टोलमा भारतको छपरा घर भएकी १४ वर्षीया बालिकाको हत्या काण्डमा सुक्ष्म अनुसन्धान गरी घटनामा संलग्न रहेका मावली हजुरबुवासहित ६ जनालाई

पक्राउ गर्न महत्वपूर्ण भूमिका निर्वाह गरेको जनाइएको छ ।

बालिकाको शव मावली हजुरवुवाको घर छेउमा खाडल खनी गाडेको अवस्थामा फेला परेको थियो । 

घटनाको अनुसन्धानमा प्रहरी हवल्दार अधिकारीले महत्वपूर्ण भूमिका निर्वाह गरेको मूल्यांकन गर्दै माघ महिनाको सर्वोत्कृष्ट प्रहरी घोषित गरेको जनाइएको छ ।