ओशो ध्यान शिविर

विराटनगर । विराटनगरको तिनपैनीस्थित ओशो धर्म प्रदीप ध्यान आश्रम विराटनगरले दुई दिवसीय ध्यान शिविर आयोजना गरेको छ । 

आश्रमले सद्गुरु ओशोले देहत्याग गरेको पुण्यतिथिको सन्दर्भ पारेर शिविर आयोजना गरेको हो । 

६० जना साधक र ओशोप्रेमी सहभागी भएको शिविरमा स्वामी सत्यभक्तले सञ्चालकको भूमिका निर्वाह गरेका थिए । 

शिविरमा डाइनामिक मेडिटेसनका साथै ओशोद्वारा प्रतिपादित विभिन्न ध्यान, साधनालगायतका कार्यक्रम गरिने आश्रमका सचिव गुणराज जमर कट्टेलले जानकारी दिए । 

यस्तै स्वामी बिभु सत्यम्ले योगा, आसन, ध्यान र प्रणायाम लगायतका अभ्यास कक्षा सञ्चालन गरेको आश्रमका अध्यक्ष विकास रुपाखेतीले जानकारी दिए ।