खेलकुद महासंघ मोरङमा राय

विराटनगर । नेपाल खेलकुद महासंघ मोरङ जिल्ला कमिटीको अध्यक्षमा शितल राय निर्वाचित भएका छन् । 

शनिबार विराटनगरस्थित नेकपा एमाले पार्टी कार्यालय पाञ्चालीमा सम्पन्न महासंघको दोस्रो जिल्ला अधिवेशनबाट अध्यक्षमा राय निर्विरोध निर्वाचित भएका हुन् ।

२९ सदस्यीय जिल्ला कमिटीको उपाध्यक्षद्वयमा रिक्की रानामगर (प्रभाकर) र नविन थापा, सचिवमा सागर केसी, सहसचिवद्वयमा इन्दु बाँस्कोटा र मेनका ठाकुर चयन भएका हुन् ।

त्यसैगरी कोषाध्यक्षमा करुणा दाहाल निर्वाचित भएको महासंघका स्थायी कमिटी सदस्य एवं एमाले विराटनगर संगठन कमिटीका अध्यक्ष रोहित कोइरालाले बताए ।

दोस्रो जिल्ला अधिवेशनको उद्घाटन महासंघका केन्द्रीय अध्यक्ष एवं कोशी प्रदेश खेलकुद विकास बोर्डका सदस्य सचिव पर्शुराम बस्नेतले गरेका हुन् । 

अधिवेशनका अवसरमा नेकपा एमाले स्थायी कमिटी सदस्य तथा जनसंगठन संयन्त्र प्रमुख भानुभक्त ढकालसहित एमाले केन्द्रीय कमिटी सदस्य एवं मोरङ इन्चार्ज जीवन घिमिरे, मोरङ अध्यक्ष बाबुराम कार्की लगायतले शुभकामना दिएका थिए ।