विराटनगरमा हिरो मोटरसाइकलको एक्सट्रिम सिरिजका दुई मोडलको ‘ग्रान्ड लन्चिङ’ (फोटो)

विराटनगर । सीजी मोटर्सले विराटनगरमा हिरो कम्पनीको एक्सट्रिम सिरिज अन्तरगतका दुईवटा नयाँ मोटरसाइकलका मोडलहरू एक्सट्रिम १२५ आर र एक्सट्रिम १६० फोरभी आरको क्षेत्रीयस्तरमा भव्य कार्यक्रमका साथ 'ग्रान्ड लन्चिङ' गर्नुका साथै बिक्री वितरण सुरु गरेको छ ।

विराटनगरस्थित सेन्ट्रल मलमा नेपाल उद्योग वाणिज्य महासंघ कोशी प्रदेश समितिका अध्यक्ष राजेन्द्र राउत, विराटनगर महानगरपालिकाकी उपमेयर शिल्पा निराला कार्की, महासंघका कोषाध्यक्ष सुवास आचार्य, नेपाल पत्रकार महासंघ कोशी प्रदेश समितिका उपाध्यक्ष कुमोद अधिकारी, मोरङ अध्यक्ष सुशीला पाठक लगायतले संयुक्त रुपमा दुईवटै मोडलका मोटरसाइकलको सार्वजनिक गर्दै बिक्री सुरु भएको घोषणा गरेका हुन् ।

हिरो मोटरसाइकलको विराटनगरस्थित आधिकारिक बिक्रेता लक्ष्मी ट्रेडिङ हाउस प्रालिका सञ्चालक सन्तोष सिग्देलले एक भव्य कार्यक्रमका साथ अति नै आकर्षण ब्रान्डका हिरो मोटरसाइकल दुई मोडलको सार्वजनिक र बिक्री सुरु गरिएको जानकारी दिए ।

उनले हिरो मोटोकर्पले एक्सट्रिम रेजमार्फत नेपालका मोटरसाइकल चालकहरूका लागि आधुनिक सुविधा सहितको शक्तिशाली, आकर्षक र उत्कृष्ट मोडलका मोटरसाइकलको बिक्री सुरु भएको बताए । 

एक्सट्रिम १६० आर फोरभी र एक्सट्रिम १२५ आरले नेपालमा हिरो मोटोकर्पको नयाँ ब्रान्ड पहिचानलाई थप सशक्त बनाउनेमा कम्पनीका मार्केटिङ म्यानेजर विक्रम पौडेलले बताए ।

शुक्रबार सार्वजनिक गरिएका दुवै मोडेलहरू नेपालको नवलपरासीस्थित सीजी इन्डष्ट्रियल पार्कमा रहेको अत्याधुनिक असेम्ब्ली प्लान्टमा निर्माण गरिएको उनले बताए ।

हिरो मोटरसाइकल तथा स्कुटरहरू नेपालको प्रतिष्ठित तथा लोकप्रिय ब्रान्डमा चिनिने गर्दछ । कम्पनीले सुपर स्प्लेन्डर र एक्सप्लस २०० जस्ता चर्चित ब्रान्डद्वारा नेपालको मोटरबाइक बजारमा बलियो पकड जमाएको छ । 

सार्वजनिक गरिएको एक्सट्रिम १६० आर फोरभी (प्रो) को मूल्य ३ लाख ८४ हजार ९०० रुपैयाँ र एक्सट्रिम १२५ आरको मूल्य सीबीएस भेरियन्टका लागि २ लाख ८९ हजार ९०० रुपैयाँ रहेको छ । त्यस्तै एबीएस भेरियन्टका लागि भने ३ लाख ११ हजार ९०० रुपैयाँ तोकिएको जनाइएको छ ।

दुवै मोडलका मोटरसाइकलको सार्वजनिक कार्यक्रमका अवसरमा पहिलो एक्सट्रिम १६० आर फोरभी खरिद गर्ने दामोदर दाहाल र एक्सट्रिम १२५ आर खरिद गर्ने रोजन कुमार साहलाई चाबी हस्तान्तरण गरिएको थियो ।

सोही अवसरमा नेपालका चर्चित गायक निशान भट्टराईले गीत गाएर मनोरञ्जन प्रस्तुत गरेका थिए । कलाकारहरू रोशिका राई लगायतले नृत्य प्रस्तुत गरेर कार्यक्रमलाई भव्यता प्रदान गरेका थिए ।