दुई सय मुस्लिम महिलालाई प्याड वितरण

विराटनगर : विराटनगर–९ का मुस्लिम समुदायका महिलाहरूलाई सेनेटरी प्याड वितरण गरिएको छ । 

हाम्रो समाज र महिला उत्थान संगठनको समन्वयमा २ सय महिलालाई सेनेटरी प्याड वितरण गरिएको जनाइएको छ ।

विराटनगर–९ मा आयोजित कार्यक्रममा नेपाली कांग्रेस वडा सभापति अनुजा कोइराला, वडाध्यक्ष विश्वनाथ भगत, हाम्रो समाजका अध्यक्ष अनुप सापकोटालगायतद्वारा महिलाहरूलाई प्याड हस्तान्तरण गरिएको हो । 

सो अवसरमा महिनावारी हुँदा अपनाउनुपर्ने सावधानीका विषयमा महानगरपालिकाको स्वास्थ्य महाशाखा प्रमुख मीना अधिकारीले जानकारी गराएकी थिइन् ।

दुई प्याकेटका दरले दुई सय महिलालाई सेनेटरी प्याड वितरण गरिएको महिला उत्थान संगठनकी अध्यक्ष रूकैया खातुनले जानकारी दिइन् ।