प्याब्सन विराट कपको उपाधि मोडर्न एरालाई

विराटनगर । तेस्रो संस्करणको प्याब्सन विराट कप फुटबल टुर्नामेन्टको उपाधि विराटनगरको मोडर्न एरा स्कुलले जितेको छ ।

विराटनगरको सहिद मैदानमा बिहीबार सम्पन्न फाइनल खेलमा दिल्ली पब्लिक स्कुल (डीपीएस) लाई १–० गोलले हराउँदै मोर्डन एराले उपाधि जितेको हो । जितका लागि  मोडर्न एराका अमन माझीले खेलको ५५ औं मिनेटमा  निर्णायक गोल गरेका थिए । जितसँगै मोडर्न एराले नगद २५ हजार रुपैयाँ पाएको छ ।  उपबिजेता  डीपीएसले  नगद ११ हजार रुपैयाँ पायो ।

विराटनगर–१३ स्थित गोदावरी स्कुल  सो खेलमा तेस्रो  भयो । 

बिजेता खेलाडीलाई प्याब्सनका केन्द्रीय उपाध्यक्ष राजेशकुमार दास, सल्लाहकार सावित्रीकुमारी पराजुली, प्याब्सन मोरङका अध्यक्ष प्रेमलालसिंह सुवाल,  विराटनगरका अध्यक्ष मोहन बुढाथोकी, खेल संयोजक नन्दलाल मण्डल, नेपाल खेलकुद महासंघका केन्द्रीय सदस्य रोहित कोइराला, कोबास कलेजका प्रिन्सिपल सुनिल श्रेष्ठ लगायतले पुरस्कार वितरण गरेका थिए ।

प्याब्सन विराटनगरले आयोजना गरेको प्रतियोगितामा विराटनगरका २२ विद्यालयले भाग लिएका थिए ।