Biratnagar, Morang, Nepal
२१ चैत २०८१, बिहिवार
+977 21 450305, 515728, 578305
राजनीति

महेन्द्र मोरङमा नेविसंघकै दुई समूह

उद्‌घोष सम्वाददाता
२१ फागुन २०८१, बुधवार

विराटनगर । स्वतन्त्र विद्यार्थी युनियन चुनावको मुखैमा चर्किएको नेपाल विद्यार्थी संघभित्रको विवादको असर चुनावसम्मै पर्ने प्रष्ट संकेत देखिएको छ ।

विराटनगरस्थित महेन्द्र मोरङ क्याम्पसमा नेविसंघका दुईटा समूहले संघसंगठन दर्ता गराएका छन् ।

स्ववियु चुनावमा भाग लिन संघसंगठन दर्ता गर्नुपर्ने हुन्छ । यही क्रममा नेविसंघका नाममा महेन्द्र मोरङसहित विभिन्न क्याम्पसमा दुई वटा संस्था दर्ता भएको हो ।

कांग्रेस भ्रातृ संस्था नेविसंघमा केन्द्रदेखि क्याम्पसहरूसम्मै संस्थापन पक्ष र इतर पक्षबीच असमझदारी चुलिएको छ ।

चैत ५ मा हुने निर्वाचनका लागि महेन्द्र मोरङमा दर्ता भएका नेविसंघ पनि सोही आधारमा दुइटा नै देखिएका छन् ।

हालका स्ववियु सभापति जशवन्त पौडेल नेतृत्वमा संस्थापन पक्षले नेविसंघ दर्ता गराएको महेन्द्र मोरङमा संजोग गौतमको अगुवाइमा इतर पक्षले पनि दर्ता गराएको छ ।

नेविसंघको कुन समूह आधिकारिक हो भन्ने निक्र्यौल गर्न केन्द्रीय अध्यक्षको पत्र कुर्नपर्ने भएको छ ।

महेन्द्र मोरङमा केही दिन अघि मात्रै नेविसंघकै दुई पक्षबीच झडप भएको थियो । जिल्ला सभापति सरोज पोखरेलमाथि महेन्द्र मोरङ क्याम्पसमा भएको आक्रमणपछि नेपाल विद्यार्थी संघ मोरङको विवाद चुलिने क्रममा छ ।

View : 363

Copyright © 2023 -2025. Udghosh Daily. All Rights Reserved