एमाले मोरङ निर्वाचन : मतदानको समय ५ बजेसम्म थप

विराटनगर । नेकपा एमाले मोरङको नयाँ नेतृत्व चयनका लागि जारी मतदानको समय थपिएको छ ।

निर्वाचन कमिटीले अपरान्ह ४ बजेसम्म तोकिएको मतदानको समय एक घण्टा थपेर ५ बजेसम्म कायम गरेको हो ।

जारी १० औं जिल्ला अधिवेशनबाट नयाँ नेतृत्व चयनका लागि मतदान जारी छ । निर्वाचन कमिटीका अनुसार करीव ६ सय अधिवेशन प्रतिनिधिले मतपत्र प्राप्त गरेका छन् । उनीहरू मध्ये करीव पाँच सय जनाले मतदान गरिसकेको जनाइएको छ ।

१६५ सदस्यीय जिल्ला कमिटी चयनका लागि राजकुमार ओझा र अजम्बर राईको नेतृत्वमा प्यानलै प्रतिष्पर्धामा उत्रिएका छन् । दुवै प्यानलले मतदान स्थल बाहिर लिष्ट बाँडेर चुनावी प्रतिष्पर्धामा सामेल छन् ।