सुन्दरहरैंचा । सुकुना बहुमुखी क्याम्पस सुन्दरहरैंचाबाट बिएस्सी उत्तीर्ण गरी उच्चशिक्षा अध्ययन गरिरहेका र विभिन्न सेवामा कार्यरत रहेका बिएस्सीतर्फका पूर्वविद्यार्थीहरूले विज्ञान शाखा समिति गठन गरेका छन् ।
सोमबार आयोजित भेलाले क्याम्पसको पूर्वविद्यार्थी समाज र सो समाजको विधानको अधिनमा रहने गरी ११ सदस्यीय पूर्वविद्यार्थी समाज विज्ञान शाखा समिति गठन गरेको हो ।
भेलाले संयोजकमा सुगल भट्टराईलाई चयन गरेको छ । त्यस्तै सहसंयोजक यमुना बस्नेत, सचिव देवेन्द्र गिरी, सहसचिव एलिजा लम्साल, कोषाध्यक्ष नवराज श्रेष्ठ र सदस्यहरू क्रमशः सूर्य भट्टराई, प्रशान्त अधिकारी, प्रशान्त राई, रोजिना कार्की, प्रदीप निरौला र विराज बस्नेत चयन भएका छन् ।
कमिटी गठनमा सहायक क्याम्पस प्रमुख गणेशप्रसाद दाहाल, विज्ञान कार्यक्रमका संयोजक टीकाप्रसाद उपाध्याय र पूर्वविद्यार्थी समाजका अध्यक्ष नारायण सुवेदीले सहजीकरण गरेका थिए ।
विएस्सी २०६९ ब्याचका पूर्वविद्यार्थी चन्द्रबहादुर धिमालको सभापतित्वमा भएको भेलामा बिएस्सीतर्फका पूर्वविद्यार्थीहरू क्रमशः यमुना बस्नेत, नवराज श्रेष्ठ, प्रशान्त अधिकारी, नवीन फुयाँल, राजु भट्टराई, देवेन्द्र गिरी, आशीष श्रेष्ठ र इपेन्द्र तामाङले बिएस्सी अध्ययनका अनुभव सुनाउँदै विज्ञानतर्फको पूर्वविद्यार्थी समाज शाखा समितिको आवश्यकतामा जोड दिएका थिए ।
त्यसैगरी भेलामा कम्प्युटर शिक्षक अतुल भट्टराई र विज्ञान कार्यक्रमका संयोजक टीकाप्रसाद उपाध्यायले पूर्वविद्यार्थीहरूले क्याम्पसलाई महत्वपूर्ण सुझाव, आर्थिक, भौतिक र नैतिक सहयोग गरेमा विज्ञान कार्यक्रमलाई थप टेवा पुग्ने धारणा राखेका थिए ।
क्याम्पसको पूर्वविद्यार्थी समाजका अध्यक्ष नारायण सुवेदीले क्याम्पसमा पूर्वविद्यार्थीहरूको विज्ञान शाखा, व्यवस्थापन शाखा, शिक्षा शाखा, मानविकी शाखा, बीबीए शाखा र बीआईसीटीई शाखा समिति गठन गर्ने र ती सबै शाखाका संयोजकहरूलाई मूल समितिमा पदेन सदस्य हुने व्यवस्था गरेर पूर्वविद्यार्थीहरूको व्यापक नेटवर्किङ गरी समितिले क्याम्पसका लागि प्रभावकारी कार्य गर्ने प्रतिवद्धता जाहेर गरेका थिए ।
प्रमुख अतिथि क्याम्पस प्रमुख अर्जुनराज अधिकारीले भेलाको उद्घाटन गर्दै क्याम्पसका गतिविधिहरूको प्रस्तुतीकरण गरी क्याम्पसका कार्यक्रमहरू पूर्ण सफल बनाउन पूर्वविद्यार्थीहरूलाई आह्वान गरेका थिए ।
कार्यक्रममा पूर्वविद्यार्थी समाजका उपाध्यक्ष भवानी पोखरेल, सहसचिव लावन्यकुमार अधिकारी, सदस्य लोकप्रकाश भट्टराई लगायत विज्ञान संकायका शिक्षकहरू र बिएस्सी तर्फका पूर्वविद्यार्थी एवम् बिएस्सीमा अध्ययनरत विद्यार्थी गरी १५० जनाभन्दा बढी विद्यार्थीहरूको उपस्थिति रहेको थियो ।
View : 169
Copyright © 2023 -2025. Udghosh Daily. All Rights Reserved