घटना दर्ता शिविरसम्बन्धि छलफल

विराटनगर । विराटनगर–१३ मा सामाजिक सुरक्षा तथा व्यक्तिगत घटना दर्ता शिविर सञ्चालनका लागि दर्ता स्थल छनोटसम्बन्धि छलफल सम्पन्न भएको छ ।

बुधवार वडा कार्यालयमा भएको छलफलमा वडाका जनप्रतिनिधिहरूसहित महानगर कार्यपालिकाका सदस्यहरू सहभागी भएका थिए । 

छलफलमा वडा सदस्य कमला श्रेष्ठ, गौरी देवसहित विभिन्न राजनीतिक दल र स्थानीय संघ संस्थाका प्रतिनिधि र महानगरपालिकाका कर्मचारीहरू सहभागी भएका छन् ।

विराटनगर महानगरपालिकाले वडा नम्बर १२ देखि १८ नम्बर वडासम्मलाई लक्षित गरी दुईदिने सामाजिक सुरक्षा तथा घटना दर्ता शिविर सञ्चालन गर्ने तयारी अघि बढाएको जनाइएको छ । जेठ २१ र २२ मा पूर्वाञ्चल वालसेवा आश्रममा हुने जनाइएको छ । 

शिविरमा सामाजिक सुरक्षा र व्यक्तिगत घटना दर्ता गर्न नपाएका व्यक्तिहरूले छिटो छरितो र सहजपूर्ण रूपमा सेवा प्रवाह गरिने महानगर सामाजिक सुरक्षा तथा पञ्जिकरण शाखाकी कर्मचारी तारा आचार्यले जानकारी दिइन् ।

वडा र महानगरस्तरबाट हुन नसकेका सामाजिक सुरक्षा र व्यक्तिगत घटना दर्ताका जटिलतालाई  फुकाउने गरी शिविरबाट सेवा प्रवाह गरिने जनाइएको छ । 

कार्यक्रममा वडासचिव सुनिल दाहाल, वाल माविका प्रध्यानाध्यापक अभिनन्दन यादव, एमाले नेता किशोर पोखरेल, नेकपा माओवादीका राज कर्णलगायत अन्य राजनीतिक दलका स्थानीय नेताहरू समेत सहभागी थिए ।