रासलीला समिति विस्तार

विराटनगर । आउँदो चैत महिनामा विराटनगरमा आयोजना गरिने धार्मिक कार्यक्रम रासलीला सम्पन्न गर्न  बनाइएको कार्य सम्पादन समितिले पूर्णता पाएको छ ।

यसअघि माघ १९ गते बसेको बैठकले आयोजक श्रीहरि सत्संग समिति नेपालका विराटनगर सम्भाग उपाध्यक्ष महेश स्वर्णकारलाई कार्यसम्पादन समितिको प्रमुख संयोजकमा नियुक्त गरिसकेको छ । 

प्रमुख संयोजककै नेतृत्वमा ३५ जना रहने गरी कार्यसम्पादन समितिलाई पूर्णता दिइएको आयोजक संस्थाका राष्ट्रिय अध्यक्ष भीखमचन्द सरलले जानकारी दिए । 

विस्तारित कार्यसम्पादन समितिमा समाजसेवी घनश्याम काबरालाई सहप्रमुख संयोजकमा मनोनित गरिएको छ । 

यस्तै समितिमा विद्यानन्द माझी, रामजीवन अग्रवाल, बेनीगोपाल मुन्दडा, बिनोद दुगड, देवेन्द्र गुप्ता, भवानी बोहरा, किरण आचार्य, देवकीनन्दन अग्रवाल, गिरिजा सारडा, पुप्षा लोढा र शिवरतन जोशीलाई सदस्यमा थप गरिएको छ । 

यसैगरी राजेश गुप्ता, सुची चौधरी, मीरा कोइराला, प्रकाश दाहाल, पशुपति नेपाल, पृथ्वीकुमार अग्रवाल, ओमप्रकाश अग्रवाल, श्रवण अग्रवाल, सुधीर तोदी, नन्दकिशोर तापडिया, कविराज न्यौपाने र राजकुमार अग्रवाललाई सदस्यमा मनोनित गरिएको छ । 

मनोनित हुने अन्य सदस्यहरूमा  राजेश लखौटिया, जुगलकिशोर राठी, इन्दिरा रिजाल, पुनम भट्टराई, राजेश स्वर्णकार, कृष्णकुमार चौधरी, बाबुलाल अग्रवाल, सुशीला पाठक, राजेशकुमार शर्मा र नवीन कर्ण छन् ।

श्रीहरि सत्संग समिति नेपाल, विराटनगर सम्भागको आयोजनामा आउँदो चैत ५ गतेदेखि ९ गतेसम्म विराटनगरमा ‘होलीको रंग रासलीलाको संग’ शीर्षकमा रासलीला आयोजना गर्न लागिएको हो । 

भगवान कृष्णको चरित्रमा आधारित पाँच दिने कार्यक्रम भब्यरुपमा सम्पन्न गर्न ५ सय ५५ जना सम्मिलित मुल समिति यसअघि नै गठन गरिएको छ । 

कार्यक्रम प्रस्तुत गर्न बृन्दावनबाट २१ जना कलाकारको टोली आमन्त्रण गरिएको आयोजक समितिले जनाएको छ ।