जीवन विकासमा डा. जैन मनोनित

विराटनगर । जीवन विकास लघुवित्त वित्तीय संस्थाको सञ्चालक समिति सदस्यमा डा. बन्दनाकुमारी जैन चयन भएकी छन् । 

सञ्चालक समितिको बैठकले स्वतन्त्र सञ्चालकको रुपमा त्रिभुवन विश्वविद्यालयकी सहायक प्राध्यापक डा. जैनलाई मनोनित गरेको हो । 

जीवन विकासमा यसअघि सोनिला शाक्य स्वतन्त्र सञ्चालक थिइन् । उनको कार्यकाल सकिएपछि सञ्चालक समितिको बैठकले डा. जैनलाई मनोनित गरेको लघुवित्तले जनाएको छ । 

जैनले जीवन विकासको सञ्चालक समितिका अध्यक्ष विक्रमराज सुवेदीबाट सञ्चालकको शपथग्रहण पनि गरेकी छन् ।