सौन्दर्यकला व्यवसायी संघ महानगर कमिटीमा थापा

विराटनगर । सौन्दर्यकर्मीहरूको साझा संस्था सौन्दर्यकला व्यवसायी संघको विराटनगर कमिटीको अध्यक्षमा सविता थापा सर्वसम्मत चयन भएकी छन् । 

विराटनगरमा शुक्रबार सम्पन्न भएको भेलाले थापालाई अध्यक्षमा सर्वसम्मत चयन गरेको जनाइएको छ ।

संघको उपाध्यक्षमा प्रतिमा न्यौपाने, सचिवमा ईशा ढकाल र कोषाध्यक्षमा रजिता भट्टराई चयन भएकी हुन् । त्यसैगरी सदस्यहरुमा प्रजु थापा र मीना आचार्य चयन भएको जनाइएको छ ।

सौन्दर्यकला व्यवसायी संघकी केन्द्रीय उपाध्यक्ष सन्तोषी श्रेष्ठको प्रमुख आतिथ्यमा भएको भेलाले सौन्दर्यकला व्यवसायीहरूको हकहितका लागि अझ सशक्त रुपमा काम गर्ने घोषणा गरेको जनाइएको छ । त्यसको नेतृत्व आफुले गर्ने नवनिर्वाचित अध्यक्ष थापाले बताइन् ।