विराटनगर–१६ मा शिव महाचर्चा पुराण

विराटनगर । विराटनगर–१६ मा अवस्थित जुद्ध म्याच फ्याक्ट्री (सलाई मिल परिसर) मा शिव महाचर्चा एवं महिमा पुराण आयोजना गरिएको छ ।

फाल्गुण ८ गतेबाट शुरु भएको पुराणमा प्रसिद्ध भागवत वाचक एवं अन्तर्राष्ट्रिय अष्टदाश महापुराण कथा व्यास समितिका अध्यक्ष पण्डित कुवेर सुवेदीले दैनिक कथा बाचन गर्दै आएका छन् ।

पुराणका संयोजक राम थापाका अनुसार विराटनगर–१६ रानीमा निर्माणाधिन राधाकृष्ण मन्दिरको अधुरो कामलाई सम्पन्न गर्न तथा सामुदायिक भवन निर्माणका लागि पुराण आयोजना गरिएको हो ।

पुराणको आयोजना विराट भजन समुहले गरेको हो । समुहका वरिष्ठ सल्लाहकार अमृत गुरुङले पुराण अविधिभर ४० हजार भक्तजनहरुले कथा श्रवण गर्ने बताए ।

पुराणमा दैनिक रुपमा भक्तजनको बाक्लो उपस्थिति रहँदै आइरहेको सहसंयोजक प्रह्लाद बस्नेतले जानकारी दिए ।