श्रीमतीको हत्या आरोपमा श्रीमान पक्राउ

झापा । आफ्नै श्रीमती ३० वर्षीया रन्जना गौतम अधिकारीको हत्या गरेको अभियोगमा श्रीमान् पक्राउ परेका छन् । 

पक्राउ पर्नेमा झापा शिवसताक्षी नगरपालिका–८ शिवालय टोल बस्ने ४७ वर्षीय ओम प्रकाश अधिकारीलाई मंगलबार साँझ प्रहरीले पक्राउ गरेको छ । 

घरायसी विवादमा ओम प्रकाशले खुकुरी प्रहार गर्दा श्रीमती रन्जनाको घटनास्थलमै मृत्यु भएको प्रहरीले जनाएको छ ।

घटनाबारे जानकारी पाएपछि इलाका प्रहरी कार्यालय झिलझिलेबाट खटिएको प्रहरीले ओम प्रकाशलाई खुकुरीसहित पक्राउ गरेको जनाइएको छ ।