ब्रम्हाकुमारीको मोटरसाइकल र्‍याली

विराटनगर । महाशिवरात्रीको पूर्वसन्ध्यामा विराटनगरमा मोटरसाइकल र्‍याली निकालिएको छ ।

विराटनगर–१० स्थित ब्रम्हकुमारी राजयोग सेवा केन्द्रको आयोजनामा मोटरसाइकल र्‍याली निकालिएको हो । ब्रम्हकुमारी परिसरबाट निकालिएको मोटरसाइकल र्‍यालीले न्यूरो पूर्वको लायन्स चोकबाट धमरबाँध रोड, रानी, बरगाछी, कञ्चनबारी र पुष्पलालचोक लगायतका क्षेत्रको परिक्रमा गरेको थियो ।

र्‍याली अघि भएको कार्यक्रममा बोल्दै सेवा केन्द्रकी प्रमुख सञ्चालिका गीता दिदीले ब्रम्हकुमारीले समाजमा नैतिकता,सदाचार र सतमार्गको प्रचारप्रसार गर्दै आएको बताइन ।

कोशी प्रदेश प्रहरी तालिम केन्द्रका डिएसपी रबिन श्रेष्ठले राजयोग सेवा केन्द्रले समाज परिर्वतनमा महत्वपूर्ण भूमिका खेल्दै आएको बताए ।